Մարզակոշիկները զարդարել են ձեռքի ոսկյա պրոթեզով՝ «Գահերի խաղը» ֆիլմից
HBO ընկերությունը կոշիկի հավաքածու է թողարկել Koio ճապոնական մակնիշի հետ: Այդ մասին հայտնել է Highsnobiety-ն: Լիմիտավորված շարքում ներկայացված է մարզակոշիկների ընդամենը մեկ մոդել: Կոշիկը նվիրված է «Գահերի խաղը» ժողովրդականություն վայելող սերիալին: Որպես դեկորի բաղադրիչ օգտագործվում է այն ոսկյա պրոթեզի փոքրացված կրկնօրինակը, որը կրում էր սագայի հերոսներից մեկը՝ Ջեյմե Լանիսթերը: Կրունկի վրա նկարված է Մեծ տան զինանշանը:
Վաճառքում կհայտնվի մարզակոշիկների միայն 150 զույգ: Դրանց գները չեն նշվում: «Գահերի խաղը» սերիալը 2011 թվականից թողարկվում Է HBO ալիքով: Ֆենթեզի սագայի գրական հիմքը դարձել է ամերիկացի գրող Ջորջ Մարտինի «Սառույցի եւ կրակի երգը» վեպերի շարքը: Յոթերորդ եթերաշրջանի եզրափակիչ էպիզոդի պրեմիերան դիտել են ավելի քան 16 մլն հանդիսականներ:
