Ֆիլիպե Կոուտինիոն կմնա «Լիվերպուլում»
Կիսապաշտպան Ֆիլիպե Կոուտինիոն 2017-18թթ. մրցաշրջանում հանդես կգա «Լիվերպուլի» կազմում: Բրազիլացին հայտնվել է «կարմիրների» ֆուտբոլիստների ցուցակում, որը հրապարակվել է ԱՊԼ-ի պաշտոնական կայքում:
Ավելի վաղ հաղորդվում էր, որ ֆուտբոլիստի նկատմամբ լուրջ հետաքրքրություն է ցուցաբերում «Բարսելոնան», սակայն «կապտանռնագույնները» չկարողացան համաձայնեցնել գործարքի պայմանները մերսիսայդցիների ղեկավարության հետ: Ավելի ուշ տեղեկություն հայտնվեց, որ «Լիվերպուլը» պատրաստ է Կոուտինիոյին վաճառել «Բարսելոնային»՝ միայն ընթացիկ մրցաշրջանի ավարտից հետո:
ԱՊԼ-ի ընթացիկ մրցաշրջանում Ֆիլիպե Կոուտինիոն դեռ ոչ մի անգամ դաշտ դուրս չի եկել:
Պատրաստեց Անի Գաբուզյանը
