ՀՀ ՊՆ առաջին տեղակալ Արտակ Զաքարյանը եղել է Արցախի առաջնագծում
Օրերս Արցախի առաջնագիծ էր այցելել ՀՀ պաշտպանության նախարարի առաջին տեղակալ Արտակ Զաքարյանը: Նա ծանոթացել է ղեկավարման համակարգի, նորագույն տեխնիկական միջոցների ներդրման, ինժեներական, զսպման մեխանիզմների կատարելագործման ուղղությամբ իրականացված աշխատանքներին, շփվել դիրքապահ զինծառայողների հետ: Այս մասին հայտնում է ՀՀ ՊՆ «Հայ զինվոր» պաշտոնաթերթը:
Արցախի Հանրապետության նախագահ Բակո Սահակյանի հետ հանդիպման ժամանակ, որին ներկա էր պաշտպանության նախարար Լեւոն Մնացականյանը, քննարկվել են բանակաշինությանը եւ այդ ոլորտում հայկական երկու պետությունների համագործակցությանը վերաբերող հարցեր:
Լուսանկարները՝ Արմեն Երամիշյանի
