Թրամփն անձնական միջոցներից 1 մլն դոլար կհատկացնի «Հարվի» փոթորկի հետևանքների վերացման համար
ԱՄՆ-ի նախագահ Դոնալդ Թրամփը մտադիր է իր անձանական հաշիվներից 1 միլիոն դոլար փոխանցել Տեխասի նահանգի այն շրջանների վերականգնման համար, որոնք տուժել են «Հարվի» արեւադարձային փոթորկից: Օգոստոսի 31-ին լրագրողների համար կայացած կանոնավոր ճեպազրույցում այս մասին հայտնել է Սպիտակ տան մամուլի քարտուղար Սառա Սանդերսը։
«Նա (Թրամփը) հայտարարել է իր անձնական միջոցներից մոտավորապես 1 միլիոն դոլար հանձնելու մտադրության մասին»,-ասել է Սանդերսը եւ հավելել, որ Թրամփը դերեւս չի որոշել, թե որ կազմակերպությանը փոխանցի փողը: Նա ճեպազրույցին ներկա լրագրողներին խնդրել է խորհուրդ տալ, թե որ կազմակերպությունը կարող է առավել արդյունավետորեն տնօրինել 1 միլիոն դոլարը, հաղորդել է ՏԱՍՍ-ը:
