Վթար Երևան-Սևան ավտոճանապարհին. կան տուժածներ
Սեպտեմբերի 1-ին՝ ժամը 01:02-ին, ահազանգ է ստացվել, որ Երևան-Սևան ավտոճանապարհին տեղի է ունեցել ՃՏՊ. անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ: Այս մասին տեղեկացնում է ՀՀ արտակարգ իրավիճակների նախարարությունը։
Պարզվել է, որ Երևան-Սևան ավտոճանապարհի 33-րդ կմ-ին «ՎԱԶ 2107» մակնիշի ВВ 87 0Р 34 (1987 թ. ծնված Պ. Պ.) պետհամարանիշով ավտոմեքենան դուրս է եկել ճանապարհի երթևեկելի հատվածից (մոտ 7մ) և հարվածել ծառերին:
Փրկարարները հոսանքազրկել են ավտոմեքենան, իսկ ժամը 02:30-ին՝ մեքենան դուրս են բերել ճանապարհի երթևեկելի հատված և մոտեցրել ավտոքարշակին:
Մինչ փրկարարների կանչի վայր հասնելը վարորդը և ուղևոր՝ 1990 թ. ծնված Ա. Մ.-ը հոսպիտալացվել են «Սուրբ Գրիգոր Լուսավորիչ» ԲԿ, որտեղ բժիշկները տուժածների առողջական վիճակը գնահատել են բավարար:
