«Հիմա մենք ի՞նչ ենք ուզում` բարձրացո՞ւմ, թե՞ իջեցում». Նիկոլ Փաշինյան
«Պետական կառավարման տարբեր բլոկների ներկայացուցիչները տարբեր տրամադրությամբ են խոսում նավթի համաշխարհային գների անկման մասին, տնտեսագետները` տխուր, իսկ ռազմական ոլորտը` բավականին ուրախ։ Հիմա մենք ի՞նչ ենք ուզում` բարձրացո՞ւմ, թե՞ իջեցում։ ՎՊ տվյալներով` միայն պետական պարտքի սպասարկման համար 2020թ. 1 մլրդ դոլար է պետք»,- այսօր ԱԺ մշտական հանձնաժողովներում 2016թ. պետական բյուջեի կատարողականի քննարկումների ժամանակ ֆինանսների նախարար Վարդան Արամյանին հարցրեց «Ելք» խմբակցության ղեկավար Նիկոլ Փաշինյանը:
Վ.Արամյանը նշեց, որ ՀՀ իշխանությունների համար ցանկալի նավթի ցածր գինը:
Նախարարը նավթի գները համեմատեց ծանրոցներ բարձրացնելու հետ, երբ կարողությունը 70 կգ է , բայց պետք է բարձրացնել 120 կգ.
«Երբ տնտեսական անկում ենք ունենում, ապա այդ ծանրությունը մնում է մեր վզին։ 2013թ. 500 մլն-ի պարտատոմս վերցրինք, սակայն այն ամբողջովին չենք մարելու։ Կարող ենք մարել, սակայն` իմա՞ստը։ Այդ իմաստով է ՎՊ-ն ասել 2020թ. մասին։ Ընտրելու ենք այն հարմար պահը, որ շուկան բարենպաստ կլինի ու պարտատոմսերի այդ վերաթողարկումը կանենք»։
