Վթար Սիսիան-Նորավան ավտոճանապարհին. վարորդը մահացել է
Հունիսի 26-ին, ժամը 05:15-ին տեղեկություն է ստացվել, որ Սիսիան-Նորավան ավտոճանապարհին տեղի է ունեցել ՃՏՊ. անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ:
Պարզվել է, որ Մ-2 ավտոճանապարհի Սիսիան-Նորավան հատվածի 15-րդ կմ-ին «Mercedes C» մակնիշի 80 TT 990 պետհամարանիշով ավտոմեքենան (վարորդ՝ 1985 թ. ծնված Հ. Վ.) դուրս է եկել ճանապարհի երթևեկելի հատվածից (մոտ 25 մ) և շրջվել:
Փրկարարները վարորդի դին մոտեցրել են շտապօգնության ավտոմեքենային, հոսանքազրկել ավտոմեքենան, փակել գազի բալոնի փականը և ավտոմեքենան մոտեցրել ավտոքարշակին:
