ԿԺԴՀ-ում կալանավորված ամերիկացի ուսանողը կոմայի վիճակում հասցվել է Օհայո
Ամերիկացի ուսանող Օտո Ֆրիդերիկ Ուորմբիերը, որն ավելի քան մեկ տարի գտնվում էր ԿԺԴՀ-ում, ժամանել է ԱՄՆ-ի Օհայոյի նահանգ, ինչի մասին հայտնել է Associated Press գործակալությունը։
Հյուսիսային Կորեան հունիսի 13-ին ազատ է արձակել երկրում կալանավորված ամերիկացի ուսանող Օտո Ֆրիդերիկ Ուորմբիերին, որն ավելի վաղ դատապարտվել էր 15 տարվա բանտարկության:
Ինչպես նշել է գործակալությունը, ինքնաթիռը, որում գտնվում էր ուսանողը, ժամանել է Օհայո՝ Ցինցինատի/Հյուսիսային Քենտուկի միջազգային օդանավակայան: Այնտեղից նա հոսպիտալացվել է:
Ինչպես Ուորմբիերի հարազտները հայտնել են Washington Post թերթին, ներկայում նա գտնվում է կոմայում: Ձերբակալումից որոշ ժամանակ անց երիտասարդը հիվանդացել է բոտուլիզմով եւ, քնաբեր հաբ ընդունելով, ընկել է կոմայի մեջ: Associated Press-ը նշում է, որ Ուորմբիերի նկատմամբ դատավճիռ են կայացրել 2016 թվականի մարտին այն բանի համար, որ նա փորձել է քարոզչական ցուցապաստառ գողանալ, հաղորդել է ՌԻԱ Նովոստին:
