ՀՀ ՄԻՊ-ի աշխատակազմի ներկայացուցիչները չհայտարարված այց են կատարել «Նուբարաշեն» ՔԿՀ
«Նուբարաշեն» քրեակատարողական հիմնարկում պահվող կալանավորված անձանց՝ Զ.Զանյանի ՀՀ մարդու իրավունքների պաշտպանին 2017 թվականի հունիսի 12-ին ուղղված բաց նամակի և Վ. Գերավետյանի հայտարարության առիթով Մարդու իրավունքների պաշտպանի հանձնարարությամբ Պաշտպանի աշխատակազմի ներկայացուցիչները հունիսի 13-ին չհայտարարված այց են կատարել «Նուբարաշեն» քրեակատարողական հիմնարկ:
Ինչպես տեղեկացրին ՀՀ մարդու իրավունքների պաշտպանի աշխատակազմից, այցի ընթացքում Պաշտպանի ներկայացուցիչներն առանձնազրույց են ունեցել Զ. Զանյանի և Վ.Գերավետյանի հետ, մանրամասն ուսումնասիրել վերջիններիս պահման պայմանները և առողջական վիճակը, ինչպես նաև նրանց առողջությանը վերաբերող բժշկական փաստաթղթերը:
Կալանավորված անձանց բարձրացրած հարցերը տեղում քննարկվել են քրեակատարողական հիմնարկի վարչակազմի հետ: Մարդու իրավունքների պաշտպանին ուղղված բաց նամակի և հայտարարության առիթով Մարդու իրավունքների պաշտպանը սեփական նախաձեռնությամբ սկսել է քննարկման ընթացակարգ, որի շրջանակներում համապատասխան գրություն կուղարկվի ՀՀ արդարադատության նախարարություն:
Կալանավորված անձանց բացատրվել են իրենց իրավունքների պաշտպանության հնարավորությունները և արդյունավետ միջոցները, բաց նամակում և հայտարարության մեջ նշված խնդիրների վերաբերյալ նրանց տրամադրվել է անհրաժեշտ խորհրդատվություն: ՀՀ
