Բոնուչին չի պատրաստվում հեռանալ «Յուվենթուսից»
Կենտրոնական պաշտպան Լեոնարդո Բոնուչին հերքել է շշուկներն այն մասին, որ ինքը կարող է այս ամառ հեռանալ «Յուվենթուսից»:
Նախորդ ամառ Բոնուչին հրաժարվեց տեղափոխվել «Մանչեսթեր Սիթի», որպեսզի մնա «Յուվենթուսում», բայց, համաձայն տարածված լուրերի, իտալացին պատրաստ է հեռանալ թուրինյան ակումբից այս ամառ: Այնուամենայնիվ, 30-ամյա Բոնուչին ինքը չի մտածում «Յուվենթուսից» հեռանալու մասին:
««Յուվենթուսից» իմ հեռանա՞լը: Դրանք ուղղակի շշուկներ են»,- Բոնուչիի խոսքերն է մեջբերում La Stampa-ն:
Բոնուչին պայմանագրով կապված է Իտալիայի գործող չեմպիոնների հետ մինչև 2021 թվականը:
Պատրաստեց Անի Գաբուզյանը
