Քրեյգ Շեքսպիրը լիարժեք պայմանագիր ստորագրեց «Լեսթերի» հետ
Այլևս ոչ մի ժ/պ:
Քրեյգ Շեքսպիրը լիարժեք պայմանագիր ստորագրեց «Լեսթերի» հետ և ազատվեց «ժամանակավոր պաշտոնակատար» արտահայտությունից: Համաձայնագիրը նախատեսված է 3 մրցաշրջանի համար:
Շեքսպիրը աշխատել է «Լեսթերի» մարզչական շտաբում որպես օգնական 2011 թվականից, իսկ մինչ այդ նա եղել է «Վեսթ Բրոմվիչի» և «Հալլ Սիթիի» մարզիչների օգնականը: 2017թ. փետրվարին Կլաուդիո Ռանիերիի հեռացումից հետո Քրեյգը գլխավորեց «Լեսթերը»:
Շեքսպիրի նշանակումից առաջ «Լեսթերը» 1 միավորով էր առաջ վտանգավոր գոտուց: Նրա ղեկավարությամբ թիմը հավաքեց 23 միավոր և գրավեց 12-րդ տեղը:
Պատրաստեց Անի Գաբուզյանը
