«Ռ-Էվոլյուցիա» հաղորդաշարի հյուրը Լևոն Ալթունյանն է
Անցած շաբաթ սոցիալական ցանցերը, մամուլը, քննարկումների այլ հարթակներ ուղղակի ողողվեցին առողջապահության նախարար Լևոն Ալթունյանի՝ ծխելու դեմ պայքարի մասին մի հայտարարությամբ։ Հայաստանն անցնում է ծխելու դեմ պայքարի կոշտ մեթոդների։ Տուգանքներ, արգելքներ, ծխելու համար նախատեսված վայրերի սահմանափակում։ Մի կողմից դրական թվացող այս նախաձեռնությունն իրականում ունի բազմաթիվ ենթաշերտեր, որոնք, հատկապես մեր իրողությունների պայմաններում, կարող են նոր խնդիրներ հարուցել։ «Արմենիա» հեռուստաընկերության «Ռ-Էվոլյուցիա» հաղորդաշարում Սաթիկ Սեյրանյանի հյուրը ՀՀ առողջապահության նախարար Լևոն Ալթունյանն է։
