«Հարկահավաքման բարձր դինամիկան շարունակվում է». նախարար
Այս տարվա առաջին 2 ամիսներին գրանցված հարկերի հավաքագրման բարձր դինամիկան շարունակվում է։ Ինչպես այսօր կառավարության նիստից հետո լրագրողների հետ զրույցում հայտարարեց ՀՀ ֆինանսների նախարար Վարդան Արամյանը, ապրիլին ունեցել ենք 107.5 մլրդ դրամ հարկերի հավաքում։
«Դա այն ամսական ծրագիրն է, որը թույլ կտա տարեկան ապահովել 1 տրլն 197 մլրդ հարկերի հավաքումը»,- ասաց նա։
Վ. Արամյանի խոսքով՝ նույնատիպ ցուցանիշ եղել է մայիսին, որը նախորդ տարվանից մոտ 1.5 մլրդ-ով ավելի է եղել և կազմել է 92.5 մլրդ. «Դա՝ այն պարագայում, որ ԱԱՀ ետվերադարձը մայիսին մի քանի անգամ ավելի է եղել»։
