Ինչպես են կենդանակերպի նշանները հասնում հաջողության. հայտնի Ցուլեր
Կենդանակերպի յուրաքանչյուր նշան ունի հաջողության իր գաղտնիքները: Մեր ուժեղ կողմերն օգնում են մեզ հասնել նպատակին առաջինը, լինել ավելի երջանիկ և երբեք չնահանջել:
Խոսելով Ցուլերի հաջողակ լինելու մասին, անհրաժեշտ է նշել, որ, ըստ շատ աստղագուշական բնութագրերի, նրանք հանդիսանում են կենդանակերպի շատ ուժեղ նշան: Այդ համաստեղության ներկայացուցիչները պինդ կանգնած են իրենց ոտքերի վրա, ունեն ինքնուրույն դիրքորոշում և դժվարությունների առաջ չեն նահանջում: Բացի այդ, նրանք անձնական շատ դրական որակներ ունեն, օրինակ՝ հավատարմությունը և անշահախնդիր ընկերություն անելու ընդունակությունը:
Ունենալով բավականին երկրային բնութագիր, Ցուլերին օտար չէ նաև կյանքի ստեղծագործ կողմը: Ըստ Կենդանակերպի նշանի՝ Ցուլեր են եղել այնպիսի հայտնի ստեղծագործողներ, ինչպիսին են Վիլյամ Շեքսպիրը, Իմանուիլ Կանտը, Օնորե դը Բալզակը, Պյոտր Չայկովսկին, Զիգմունդ Ֆրոյդը, Միխայիլ Բուլգակովը, Սալվադոր Դալին և շատ ուրիշներ:
Իմաստուն Սոկրատեսը և ռուս ամենահայտնի կայսրուհի Եկատերինա Մեծը նույնպես ծնվել են այդ նշանի տակ:
Ինչն է օգնում Ցուլերին հասնել հաջողության:
Նրանք պատրաստ են իրենց ասածին մնալ մինչև վերջ: Այո, դա նրանց հետ երբեմն չար կատակ է խաղում և համառությունը վերածվում է կամակորության: Բայց դրա փոխարեն՝ Ցուլին դժվար է մեղադրել այն բանում, որ նա սկսածը մինչև վերջ չի հասցրել:
Նրանք կարողանում են ապրել նյութական աշխարհում: Այս արժեքավոր որակով օժտված են շատ քչերը: Ցուլերին հաճախ մեղադրում են, որ նրանք ուշադրություն չեն դարձնում գեղեցիկի վրա և տարվում են ֆինանսական հարցերով: Կենդանակերպի այս նշանի ներկայացուցիչները, բնավորության այս գծերի հետ մեկտեղ, ունեն նաև շատ զարգացած երևակայություն և նույնիսկ երազելիս՝ մտածում են իրենց երազանքի պրակտիկ իրականացման մասին:
Նրանք ընդունակ են գնահատել այն, ինչ ունեն: Եվ դա ընդհանրապես չի նշանակում, որ Ցուլերը բավարարվում են քչով՝ երազելով շատի մասին: Եթե Ցուլը որոշել է հասնել ինչ-որ բանի, ապա ոչ մեծ, բայց համառ քայլերով կհասնի դրան:
Նրանք հավատարիմ են իրենք իրենց: Ցուլը թույլ չի տա իրեն խաբել, շեղել ճանապարհից և գայթակղել այլ հարաբերություններով, եթե իր սեփական միությունը ներդաշնակ է երկու կողմերից:
Նրանք առանձնանում են հնարամտությամբ: Չնայած իրենց անփոփոխականությանը, Ցուլերը բավականին ճկուն են, եթե անհրաժեշտ է նախագծել հեռուն գնացող ինչ-որ պլաններ:
Շնորհիվ իրենց ամբիցիոզության, Ցուլերը դառնում են գիտնականներ, քաղաքական գործիչներ և կինոյի աստղեր: Ցուլ նշանի ներկայացուցիչ են այնպիսի հայտնի մարդիկ, ինչպիսին են Էնթոնի Քուինը, Ջեք Նիկոլսոնը, Ալ Պաչինոն, Ջորջ Քլունին, Անուկ Էմեն, Շերը, Ումա Թուրմանը և շատ ուրիշներ:
Պատրաստեց Անի Գաբուզյանը
