Մայիսյան գյուղում ավտոմեքենան գլխիվայր շրջվել է
Մայիսի 8-ին, ժամը 20.38-ին ահազանգ է ստացվել, որ Շիրակի մարզի Մայիսյան գյուղի գյուղապետարանի մոտակայքում տեղի է ունեցել ՃՏՊ, ավտոմեքենա է շրջվել անհրաժեշտ է փրկարարների օգնություն:
Դեպքի վայր է մեկնել մեկ մարտական հաշվարկ:
Պարզվել է, որ Մայիսյան գյուղի գյուղապետարանի մոտակայքում «Վազ 2106 » մակնիշի 45 VT 148 պետհամարանիշի ավտոմեքենան գլխիվայր շրջվել է:
Մինչ հրշեջ-փրկարարների կանչի վայր հասնելը՝ վարորդին տեղի ուժերով տեղափոխել են դեպքի վայրից, որի ինքնությունը չի հաջողվել պարզել:
Հրշեջ-փրկարարները հոսանքազրկել են ավտոմեքենան և փակել գազի բալոնի փականը:
