Էնդի Մարեյը չթողեց Ռաֆայել Նադալին խաղալ Մադրիդի «Մասթերսի» եզրափակչում

Կիսաեզրափակիչ խաղն ավարտվեց բրիտանացու հաղթանակով` 7:5, 6:4 հաշվով:

Խաղը տևեց 2 ժամ, 11 րոպե: Մարեյը կատարեց 8 թափանց մատուցում, թույլ տվեց 1 կրկնակի սխալ, վերցրեց մրցակցի 4 մատուցում և ետ բերեց Նադալի 11 բրեյք-փոինթները 13-ից: Ռաֆան կատարեց 1 էյս և թույլ չտվեց ոչ մի կրկնակի սխալ:

Էնդին 2-րդ անգամ կարիերայում հաղթեց Նադալին հողածածկի վրա:

Անձնական հակամարտությունում առջևում է Նադալը` 17:7 հաշվով:

Պատրաստեց Անի Գաբուզյանը