Ջոն Թերրին ժամանակից շուտ ավարտեց կարիերան
35-ամյա անգլիացին չէր ուզում այդպես բաժանվել հարազատ ակումբից:
Շաբաթօրյա խաղում Թերրին առաջին դեղին քարտը ստացավ 87-րդ րոպեին, իսկ ևս 3 րոպե անց հեռացվեց դաշտից: Քանի որ կարմիր քարտը Ջոնին կբերի որակազրկում երկու խաղերի համար, ուստի «Սանդերլենդի» հետ հանդիպումը բազմամյա ավագի համար ավտոմատիկորեն դարձավ վերջինը «Չելսիի» կազմում:
Այս հեռացումը դարձավ 6-րդը Ջոն Թերրիի համար ԱՊԼ-ում և նա դրանով սահմանեց ակումբային հակառեկորդ:
Մայիսի 11-ին «Չելսին» արտագնա հանդիպում կունենա «Լիվերպուլի» հետ, իսկ մայիսի 15-ին կավարտի մրցաշրջանը երկրի չեմպիոն «Լեսթերի» հետ տնային խաղով:
Թերրին «կապույտների» կազմում հանդես է գալիս 1998թ.-ից` անցկացնելով 703 պաշտոնական խաղ և նվաճելով 16 տիտղոս:
«Չելսիի» կազմում անցկացրած նրա վերջին խաղն ավարտվեց պարտությամբ` 2:3 հաշվով:
Պատրաստեց Անի Գաբուզյանը
