Ամերիկահայ համայնքի առաջնորդները Ուորլիքին կոչ են արել հետաքննել ադրբեջանական կողմի մարդու իրավունքների խախտումների դեպքերը
Հայ հեղափոխական դաշնակցության ԱՄՆ Արևելյան և արևմտյան կենտրոնական կոմիտեների նախագահները՝ Հայկ Օշականը և Տարոն Տեր-Խաչատրյանը, Ամերիկայի «Հայ դատի» հանձնախմբի նախագահ Րաֆֆի Համբարյանն ու ԱՀԴՀ-ի Կառավարության կապերի հետ բաժնի տնօրեն Քեյթ Նահապետյանը հանդիպել են ԵԱՀԿ Մինսկի խմբի ամերիկացի համանախագահ Ջեյմս Ուորլիքի հետ: Այս մասին է տեղեկացնում The Armenian weekly կայքէջը։
Հայ համայնքի ներկայացուցիչներն իրենց մտահոգություններն են փոխանցել ամերիկյան համանախագահ Ուորլիքին Ադրբեջանի կողմից Ռոյս-Էնգել նախաձեռնության տապալման վերաբերյալ՝ կոչ անելով «Լիհիի օրենքի» շրջանակներում քայլեր ձեռնարկել Արցախի քաղաքացիների և զինծառայողների նկատմամբ մարդու իրավունքների խախտումները հետաքննելու նպատակով։ Հանդիպման ավարտին նրանք հաստատել են, որ միակամ պետք է պայքարեն հանուն Արցախի։
