Օրը համընկել է մեր որդիներից մեկի տարեդարձի հետ. Սեյրան Օհանյանի կնոջ գրառումը Սուրբ Զատկի տոնի առթիվ
Հայաստանի պաշտպանության նախարար Սեյրան Օհանյանի կինը՝ Ռուզաննա Խաչատրյանը Սուրբ Զատիկի տոնի կապակցությամբ գրառում է կատարել Facebook սոցիալական կայքում՝ հրապարակելով տոնին կատարված ընտանեկան լուսանկարներից:
«Այսօր՝ մարտի 27-ին, Հայ առաքելական եկեղեցին նշում է Քրիստոսի հրաշափառ հարության տոնը՝ Սուրբ Զատիկը: Ըստ քրիստոնեական հավատի, Քրիստոսն իր հարությամբ մեղքից զատեց աշխարհը ու «…բացեց երկնքի դռները, եւ անուշահոտություն բուրեց աշխարհում` ցույց տալով ճանապարհը նորոգման, եւ կենդանություն պարգեւեց մարդկանց»:
Թող Ճրագալույցի սուրբ պատարագի լույսով լուսավորվեն հայ օջախները:
Թող Քրիստոսի հրաշափառ հարությամբ հույսն ու հավատը, սերն ու միությունը թեւածեն մեր ընտանիքներում:
Թող ընդմիշտ զատվի չարիքը մեր աշխարհից, եւ համերաշխությունն ու միասնությունը դառնան համազգային ստեղծագործ արարման հիմք:
Այս տարի մեր ընտանիքում երջանիկ զուգադիպությամբ Քրիստոսի հարության տոնը համընկել է մեր որդիներից Մուշեղի ծննդյան տարեդարձի հետ:
Շնորհավո՛ր ու բարի տարեդարձ, որդի՛ս:
Թո՛ղ Աստված խաղաղության մեջ պահի մեր հայրենիքը, իսկ այս հրաշալի պահպանիչ աղոթքը ընդմիշտ ուղեկցի քե՛զ եւ սահմանին կանգնած մե՛ր զինվորներին»,- գրել է նա: 
