Դմիտրով գյուղում ավտոմեքենան դուրս է եկել ճանապարհի երթևեկելի մասից. կան տուժածներ
Մարտի 19-ին, ժամը 21.10-ին ահազանգ է ստացվել, որ Արարատի մարզի Դմիտրով գյուղի կամրջի մոտակայքում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Դեռևս չբացահայտված հանգամանքներում «ՎԱԶ-21099» մակնիշի 40 DD 099 պետհամարանիշի ավտոմեքենան դուրս է եկել ճանապարհի երթևեկելի մասից և հարվածել արգելապատնեշին, ինչի հետևանքով վարորդ՝ 1961թ. ծնված Կ. Կ.-ն տեղափոխվել է Արտաշատի ԲԿ:
Առողջական վիճակը ճշտվում է:
