Զիդանը վստահ չէ նրանում, որ մրցաշրջանի ավարտից հետո չի հեռացվի «Ռեալից»
Մադրիդի «Ռեալի» գլխավոր մարզիչ Զինեդին Զիդանը վստահ չէ նրանում, որ հաջորդ մրցաշրջանում կշարունակի գլխավորել թիմը: Ֆրանսիացի մասնագետն ասել է դա` ի պատասխան ամառային տրանսֆերային պատուհանի ժամանակ թագավորական ակումբի նոր ձեռքբերումների մասին հարցի:
«Իմ դերն ապագա նախագծերու՞մ: Ես չեմ կարող պատասխանել այդ հարցին, քանի որ չեմ կարող իմանալ դրա մասին: Ես չգիտեմ, աշխատելու եմ արդյոք իմ պաշտոնում: Նորմալ է, որ այդ հարցը հաճախ է քննարկվում, բայց ես տվյալ պահին կենտրոնացած եմ իմ ներկայիս աշխատանքի վրա»,- Զիդանի խոսքերն է մեջբերում Marca-ն:
Ավելի վաղ հաղորդվել էր, որ Զիդանը տարաձայնություններ ունի «Ռեալի» նախագահ Ֆլորենտինո Պերեսի հետ` կապված հաջորդ մրցաշրջանում թիմի կազմի փոփոխություների հետ:
Պատրաստեց Անի Գաբուզյանը
