«Չարժե գնել ակումբ, եթե Դուք ուղղակի ցանկանում եք տիտղոս նվաճել». «Արսենալի» սեփականատեր
«Արսենալի» սեփականատեր Սթեն Կրոնկեն հայտարարել է, որ լոնդոնյան ակումբի համար ավելի կարևոր է եկամուտ ստանալը, քան տիտղոս նվաճելը:
«Իմ կարծիքով, լինելով ակումբի սեփականատեր, հարկավոր է հաշվի առնել իրականությունը: Եթե Դուք ուղղակի ցանկանում եք տիտղոս նվաճել, ապա չարժե զբաղվել այդ գործով: Կարծում եմ, սպորտի աշխարհում լավագույն սեփականատերերը նրանք են, ովքեր ձգտում են ինչպես լավ արդյունքների, այնպես էլ` շահույթի:
Եթե Ձեր բիզնեսը բավարար լավը չէ, ապա Դուք չեք կարող Ձեզ թույլ տալ ձեռք բերել լավագույն ֆուտբոլիստների, եթե իհարկե, եկամուտի այլ աղբյուրներ չունեք»,- նշել է Կրոնկեն:
Պատրաստեց Անի Գաբուզյանը
