Պերեսը թույլ է տվել Զիդանին վարվել «անձեռնմխելիների» հետ` ըստ իր հայեցողության
Ըստ Cope-ի հաղորդման, Իսպանիայի առաջնության 26-րդ տուրի «Ռեալի» և «Ատլետիկոյի» միջև կայացած խաղից անմիջապես հետո «սերուցքայինների» նախագահ Ֆլորենտինո Պերեսը հանդիպել է թիմի գլխավոր մարզիչ Զինեդին Զիդանին:
Աղբյուրի ինֆորմացիայի համաձայն՝ Պերեսը քննարկել է ֆրանսիացի մասնագետի հետ տիրող իրավիճակը: «Ռեալը», խաղալով իր դաշտում, պարտություն կրեց 0:1 հաշվով, որի արդյունքում ընթացիկ մրցաշրջանում ետ է մնում «Ատլետիկոյից» արդեն 4 միավորով, իսկ «Բարսելոնայից»` 12 միավորով:
Պերեսը Զիդանին արտահայտել է իր լիակատար վստահությունը` թույլ տալով նրան վարվել թիմի կազմի հետ` ըստ իր հայեցողության: Դա վերաբերում է, մասնավորապես, հաջորդ մրցաշրջանից առաջ նոր ֆուտբոլիստների ձեռքբերմանը և հրաժարմանը նրանցից, ովքեր այսօր պաշտպանում են թիմի գույները: Այդ թվում՝ խոսքը վերաբերում է նաև «անձեռնմխելիներին»:
Պատրաստեց Անի Գաբուզյանը
