Սաուդյան Արաբիայում 20 երկիր զորավարժություններ է անցկացնում
Սաուդյան Արաբիայի հյուսիսում 20 երկրի զինված ուժեր անցկացբում են լայնածավալ զորավարժություններ, հայտնում է BBC-ն:
Զորավարժություններին մասնակցում են Սաուդյան Արաբիայի, ԱՄԷ-ի, Հորդանանի, Բահրեյնի, Սենեգալի, Սուդանի, Քուվեյթի, Մալդիվյան կղզիների, Եգիպտոսի, Քաթարի, Օմանի, Ջիբութիի, Կոմորյան կղզիների, Թունիսի, Չադի, Պակիստանի, Մարոկկոյի ու Մավրիտանիայի զինվորականները:
Զորավարժություններին մասնակցում են այդ երկրների ցամաքային, ռազմաօդային ու ռազմածովային ուժերը:
Էր-Ռիադը հայտարարել է, թե զորավարժությունների նպատակն է զորքերը նախապատրաստելը «ահաբեկչական խմբավորումների» կողմից սպառնալիքի ֆոնին:
Սաուդյան Արաբիան, ԱՄՆ-ի գլխավորած կոալիցիայի կազմում, արդեն ավիահարվածներ է հասցնում ԴԱԻՇ-ին: Երկիրը նաև ռազմական արշավ է անցկացնում Եմենում հուսիթների դեմ:
