Տուխելը սպառնացել է ֆուտբոլիստներին կոշտ որոշումներ ընդունել
Դորտմունդի «Բորուսիայի» գլխավոր մարզիչ Թոմաս Տուխելը լրագրողների հետ զրույցում խոսել է ֆուտբոլիստների՝ խաղադաշտից դուրս եղած խնդիրների մասին: Նա կոչ է արել բոլոր ֆուտբոլիստներին, անկախ դաշտում ունեցած նշանակությունից, թիմի շահերը վեր դասել անձնական շահերից, հակառակ դեպքում ինքը պատրաստ է կոշտ որոշումներ կայացնել:
«Ֆուտբոլիստները պետք է ընդունեն ու հարգեն իմ կայացրած ցանկացած որոշում: Պետք է մի կողմ թողնել սեփական էգոյի շահերն ու աշխատել թիմի համար: Հակառակ դեպքում ես պատրաստ եմ շատ կոշտ որոշումներ կայացնել», – նշել է Տուխելը Bild-ի հետ զրույցում:
Սիրարփի Աղաբաբյան
