Ճգնաժամի հարցը դեռ օրակարգում է. Հերմինե Նաղդալյան
«Ներկա վիճակը նույնպես չի կարող գնահատվել որպես սովորական կայուն վիճակ՝ հաշվի առնելով հիմնականում արտաքին այն ազդակները, որ առկա են մեր տնտեսության մեջ»,- այսօր ԱԺ նիստում հայտարարեց ՀՀ ֆինանսների փոխնախարար-գլխավոր գանձապետ Ատոմ Ջանջուղազյանը՝ պատասխանելով ԲՀԿ խմբակցության ղեկավար Նաիրա Զոհրաբյանի հարցին, թե արդյոք կարելի է արձանագրել, որ ճգնաժամի փուլն արդեն ավարտվել է և որևէ ծրագրի չկատարումը ՀՀ կառավարությունը չի կարող պայմանավորել ճգնաժամով և դոմինոյի էֆեկտով ՀՀ տնտեսության վրա դրա ազդեցությամբ: Ա.Ջանջուղազյանը ձեռնպահ մնաց անդրադառնալ ճգնաժամի մասին հարցի հետագա քննարկմանը:
«Փաստորեն, ճգնաժամի հարցը դեռ օրակարգում է»,- արձանագրեց ԱԺ փոխխոսնակ Հերմինե Նաղդալյանը:
