Ռուսաստանի ու Թուրքիայի միջև հարաբերությունների նորմալացումը կախված է Մոսկվայից. Դավութօղլու
Ռուսաստանի ու Թուրքիայի միջև հարաբերությունների նորմալացումը կախված է Մոսկվայից, այսօր հայտարարել է Թուրքիայի վարչապետ Ահմեդ Դավութօղլուն Al Jazeera հեռուստաալիքին տված հարցազրույցում:
Նրա խոսքով՝ Թուրքիան ավելի վաղ ձեռնարկել է Ռուսաստանի հետ հարաբերությունները նորմալացնելու փորձեր, սակայն դրանք բոլորն էլ մերժվել են Մոսկվայի կողմից:
«Մենք, ինչպես նախկինում, հանդես ենք գալիս Ռուսաստանի հետ հարաբերությունների նորմալացման օգտին, սակայն, դրա հետ միասին, Անկարան նույնպես մտադիր է պաշտպանել իր օդային տիրույթը»,- ասել է Դավութօղլուն:
Հիշեցնենք, որ Ռուսաստանի ու Թուրքիայի հարաբերությունները ճգնաժամ են ապրում ռուսական «Սու-24» ռմբակոծիչը խոցելուց հետո:
