«ԲՀԿ-ում ներկուսակցական խնդիրներ և տարաձայնություններ կան». Վահան Բաբայան
Ազգային ժողովի ԲՀԿ խմբակցության պատգամավոր Վահան Բաբայանը չի հերքում, որ կուսակցությունում ներկուսակցական տարաձայնություններ և խնդիրներ կան, սակայն չի ցանկանում բացել փակագծերը: Ազգային ժողովում լրագրողների հետ զրույցում Բաբայանն ընդգծեց, որ այդ մասին առավել մանրամասն կխոսի ավելի ուշ, եթե լինի դրա կարիքը:
«Շատ վարկածներ ու հետաքրքիր վերլուծություններ եմ կարդում, տարբեր տեսակի, բայց երեկ ինչ որ տեղի էր ունեցել, մենք չենք ուզում դրա մասին հրապարակավ խոսել: Դա մեր ներկուսակցական խնդիրն է: Այո, կան ներկուսակցական խնդիրներ և տարաձայնություններ: Մնացած հարցերի շուրջ կխոսենք ավելի ուշ»,- «Արմենպրես»-ի հաղորդմամբ՝ նշեց Բաբայանը:
Վահան Բաբայանը վերահաստատեց, որ ինքը շարունակում է կողմ լինել իշխանությունների հետ կոալիցիա կազմելու գաղափարին:
