Թուրքիան ողջունել է Սիրիայում ռազմական գործողությունների դադարեցման մասին համաձայնագիրը
Թուրքիան ողջունում է Ռուսաստանի ու ԱՄՆ-ի միջև համաձայնագիրը Սիրիայում ռազմական գործողությունների դադարեցման մասին, հայտնում է Reuters-ը:
Այս մասին հայտարարել է Թուրքիայի փոխվարչապետ Նուման Քուրթուլմուշը, սակայն ընդգծել է, որ կասկածներ ունի բանակցությունների դրական ելքի վերաբերյալ:
Ավելի վաղ Սիրիայի իշխանությունները համաձայնել էին ԱՄՆ-ի ու Ռուսաստանի հայտարարությունների հետ՝ դադարեցնել ռազմական գործողությունները, եթե ԴԱԻՇ-ի դեմ պայքարը շարունակվի:
