Ալիևն ու Ռոուհանին մի շարք փաստաթղթեր են ստորագրել
Փետրվարի 23-ին Թեհրանում Ադրբեջանի նախագահ Իլհամ Ալիևի ու Իրանի նախագահ Հասան Ռոուհանիի միջև կայացած հանդիպման արդյունքում ստորագրվել են մի շարք փաստաթղթեր, հայտնում է ադրբեջանական APA գործակալությունը:
Հանդիպման արդյունքներով՝ ստորագրվել է 11 փաստաթուղթ:
Իրանի ու Ադրբեջանի կառավարությունների միջև ստորագրված փաստաղթերը ներառում են՝ Համաձայնագիր արտակարգ իրավիճակների հետևանքների ոչնչացման ու կանխարգելման վերաբերյալ, Համաձայնագիր մաքսային հարցերում փոխադարձ ադմինիստրատիվ օգնության մասին, Համաձայնագիր անասնաբուժության ու կենդանիների առողջության մասին, շրջանակային Համաձայնագիր էլեկտրաէներգիայի վաճառքի մասին, շրջանակային Համաձայնագիր երկու երկրների միջև երկաթուղային ճանապարհների միավորման մասին, Համաձայնագիր Աստարա (Իրան)- Աստարա (Ադրբեջան) երկաթուղային կամրջի շինարարության ոլորտի վերաբերյալ, Համաձայնագիր Իրանի ու Ադրբեջանի միջև ընտանիքի ու կանանց հարցերի վերաբերյալ և այլն:
