Ժոզե Մոուրինիոն ջենթլմենական համաձայնագիր է կնքել «Մանչեսթեր Յունայթեդի» հետ
Միակ տարաձայնությունը պորտուգալացու աշխատանքը սկսելու ժամանակի հետ է կապված:
Մոուրինիոն արդեն ունի պայմանավորվածություն «Մանչեսթեր Յունայթեդի» գործադիր տնօրեն Էդ Վուդվորդի հետ, սակայն նախնական ոչ մի համաձայնագիր դեռ չեն ստորագրել: Ինչպես հայտնի է դարձել Manchester Evening News-ին, Մոուրինիոն արդեն չի կասկածում, որ փոխարինելու է Վան Գալին, բայց չգիտի, թե դա երբ է տեղի ունենալու:
Պորտուգալացու գործակալ Ժորժե Մենդեշը ցանկանում է, որպեսզի իր հաճախորդն անցնի աշխատանքի, որքան հնարավոր է՝ շուտ: Նա կապի մեջ է մտել Վուդվորդի հետ, սակայն վերջինս դեռևս չի ցանկանում հեռացնել Վան Գալին մինչև մրցաշրջանի ավարտը:
26-րդ տուրից հետո «Մանչեսթեր Յունայթեդը» զբաղեցնում է ԱՊԼ-ի մրցաշարային աղյուսակի 5-րդ հորիզոնականը:
Մոուրինիոն դեկտեմբերին հեռացվել է «Չելսիի» գլխավոր մարզչի պաշտոնից:
Պատրաստեց Անի Գաբուզյանը
