Մհեր Սեդրակյանը չգիտի՝ ինչի համար պետք է ներողություն խնդրի
Ինչպես հայտնի է, օրերս միջադեպ էր տեղի ունեցել ԱԺ ՀՀԿ խմբակցության պատգամավոր Մհեր Սեդրակյանի և լրագրողներից մեկի միջև: Այսօր ՀՀԿ խմբակցությունում նիստ է տեղի ունեցել, որի ժամանակ քննարկվել է այս հարցը:
Նիստից հետ Մ. Սեդրակյանը լրագրողներին ասաց, որ բոլորի հարցերին կպատասխանի խմբակցության ղեկավար Վահրամ Բաղդասարյանը:
Հարցին՝ պատրա՞ստ եք ներողություն խնդրել, Մ. Սեդրակյանն այսպես պատասխանեց.
«Բայց ինչի՞ համար»: Լրագրողներից մեկի այն դիտարկմանը, որ տեսանյութ կա, որտեղ ակնհայտ է, որ հայհոյել եք, Մ. Սեդրակյանն այսպես պատասխանեց. «Վիդեոն լավ նայեք»:
