Պահքի կոտլետներ` լոբով, կարտոֆիլով և գազարով

Պահքի լոբով, կարտոֆիլով և գազարով կոտլետների բաղադրատոմսը (լոբու փոխարեն կարելի է օգտագործել ոսպ):

Բաղադրիչները.

1. Լոբի – 400գ
2. Կարտոֆիլ – 1 հատ
3. Գազար – 2 հատ
4. Սոխ – 1 հատ
5. Սխտոր, բուսայուղ, աղ և սև պղպեղ` ըստ ճաշակի
6. Պաքսիմատ

Պատրաստման եղանակը.

1. Կարտոֆիլը և գազարը եփել աղ արած ջրում, թողնել մի փոքր սառչի:
2. Սոխը և սխտորը տապակել բուսայուղով:
3. Եփած բանջարեղենը և լոբին աղալ մսաղացով, ավելացնել աղ և պղպեղ:
4. Ստացված խառնուրդի մեջ ավելացնել տապակած սոխը և սխտորը:
5. Ձևավորել կոտլետներ, թաթախել պաքսիմատի մեջ և տապակել 2 կողմից` մինչև ոսկեգույն դառնալը:

Սոուս կոտլետների համար. լոլիկի սոուս չոր կանաչեղենով:

Պատրաստման եղանակը.

Լոլիկը շոգեխաշել չոր կանաչեղենի հետ:

Պատրաստեց Անի Գաբուզյանը