Իրանը կոչ է անում կրակի դադարեցման ռեժիմ հաստատել Սիրիայում
Իրանի արտգործնախարար Մոհամմադ Ջավադ Զարիֆը կոչ է արել Սիրիայում հաստատել կրակի դադարեցման ռեժիմ:
«Իրանի Իսլամական Հանրապետությունն աջակցում է ցանկացած միջոցառման, որպեսզի կասեցնի արյունահեղությունն ու պաշտպանի սիրիացիներին»,- հայտարարել է Զարիֆը Թեհրանում կայացած մամուլի ասուլիսի ժամանակ, հաղորդում է իրանական IRNA գործակալությունը:
Նրա խոսքով՝ Իրանն աջակցում է սիրիական կոնֆլիկտի բոլոր կողմերի միջև երկխոսության գաղափարին ու չի տեսնում Սիրիայում ճգնաժամի ռազմական լուծում:
Իրանցի նախարարը կարծում է, որ ճգնաժամի կարգավորման հարցում միջնորդների միակ խնդիրը Սիրիայում հակամարտող կողմերի բանակցությունների կազմակերպումն է:
