Երևանի Ազատամարտիկների պողոտայում ավտոմեքենայում տեղի է ունեցել պայթյուն՝ հրդեհի բռնկումով
Փետրվարի 21-ին, ժամը 04.25-ին ահազանգ է ստացվել, որ Երևանի Ազատամարտիկների պողոտայում (Դիմիտրովի փողոց)՝ Էրեբունի ամրոցի մոտակայքում, ավտոմեքենայում տեղի է ունեցել պայթյուն՝ հրդեհի բռնկումով:
Դեպքի վայր է մեկնել երկու մարտական հաշվարկ:
Պարզվել է, որ ավտոմեքենան կայանված է եղել Ազատամարտիկների պողոտայի թիվ 26 տան մոտակայքում:
Հրդեհը մեկուսացվել է ժամը 04.43-ին, մարվել՝ 05.05-ին: Այրվում է Ազատամարտիկների պողոտայի թիվ 26 տան մոտակայքում կայանված Նաիրա Սիմոնյանին պատկանող Toyota Camry մակնիշի 34RV986 պետհամարանիշով ավտոմեքենայի շարժիչի հատվածն՝ ամբողջությամբ և սրահը` մասամբ, վնասվել է ավտոմեքենայի դիմապակին:
Հրշեջ-փրկարարներն հոսանքազրկել են ավտոմեքենան:
