ԱՄՆ-ի ինքնաթիռները հարվածներ են հասցրել Լիբիայում ԴԱԻՇ-ի դիրքերին
Ամերիկյան ռազմական ինքնաթիռներն ավիահարվածներ են հասցրել Լիբիայում ահաբեկչական ԴԱԻՇ խմբավորման ճամբարին, հայտնում է The New York Times-ը:
Այս մասին հայտնել է աղբյուրը, ով չի ցանկացել հրապարակել անունը:
Նշվում է, որ ավիահարվածը հասցվել է Սաբրատա քաղաքի մոտ գտնվող ճամբարին: Ըստ աղբյուրի՝ սպանվել է 30 մարդ, որոնցից շատերը ենթադրաբար եղել են Թունիսից:
Ավելի վաղ Reuters-ը, հղում կատարելով քաղաքի քաղաքապետին, հայտնել էր, թե անհայտ ինքնաթիռները հարվածներ են հասցրել Լիբիայի հյուսիսում գտնվող Սաբրատա քաղաքին:
