Օբաման մարտին կմեկնի Կուբա
ԱՄՆ նախագահ Բարաք Օբաման հաստատել է, որ մարտին կմեկնի Կուբա: Այս մասին նա գրել է իր Twitter-ում:
«Հաջորդ ամիս ես կգնամ Կուբա, որպեսզի զարգացնեմ մեր առաջընթացն ու ջանքերը, որոնք կօգնեն լավացնել կուբացի ժողովրդի կյանքը»,- գրել է ԱՄՆ նախագահը:
Օբաման պլանավորում է մարտի 21-21-ին այցելել Կուբա իր կնոջ հետ:
Ավելի վաղ ԱՄՆ կառավարությունում մի քանի դիվանագիտական աղբյուրներ հայտնել էին, թե Օբաման պատրաստվում է մարտին այցելել Կուբա:
Ուղևորությունը կլինի ԱՄՆ նախագահի առաջին այցը Կուբա՝ սկսած անցած դարի 20-ական թվականներից:
Միակ նախագահը, որն այցելել է Կուբա՝ որպես ԱՄՆ նախագահ, եղել է Կալվին Քուլիջը: Վերջինս Կուբա է այցելել 1928 թվականին:
Կուբա է այցելել 2002թ. նաև Ջիմի Քարտերը, ով ԱՄՆ-ի նախագահն էր 1977-1981 թվականներին:
