ՌԴ ԱԳՆ-ն դեմ է Սիրիայում քրդական անկախ պետության ստեղծմանը
ՌԴ արտգործնախարարության պաշտոնական ներկայացուցիչ Մարիա Զախարովան «Ռոսիա-24» հեռուստաալիքում ճեպազրույցում հայտնել է, որ ՌԴ գերատեսչությունը դեմ է Սիրիայում քրդական անկախ պետության ստեղծման հնարավորությանը:
Նա հայտնել է, որ Ռուսաստանը հանդես է գալիս Սիրիայի ամբողջականության օգտին:
Ավելի վաղ Մարիա Զախարովան, պատասխանելով Սիրիա թուրքական հնարավոր ներխուժման մասին հարցին, հայտարարել էր, որ Թուրքիայի ներխուժումն ինքնիշխան Սիրիայի տարածք, անօրինական է:
