Ռուսաստանը Ադրբեջանին մեղադրում է թուրքական պոմիդորներ մատակարարելու մեջ
«Ռոսսելխոզնադզորի» ղեկավար Սերգեյ Դանկվերտը հայտնել է Interfax-ին, որ հունվարին Ադրբեջանը հնգակի ավելացրել է պոմիդորների մատակարարումը դեպի Ռուսաստան:
Նրա խոսքով՝ անհասկանալի է, թե ինչ եղանակով են ադրբեջանցիներն այդքան կտրուկ կերպով ավելացրել արտահանումը:
Դանկվերտն ասել է, որ «Ռոսսելխոզնադզորն» արդեն նամակ է գրել Ադրբեջանին, ու բացառված չէ, որ ռուս փորձագետները ստուգումների նպատակով ուղարկվեն Ադրբեջան:
Թուրքիայից բանջարեղենների ու այլ արտադրատեսակների ներկրումը Ռուսաստան արգելված է 2016թ. հունվարի 1-ից:
