Եվրոպան թույլատրել է առևտրային թռիչքները Ղրիմի վրայով
Եվրոպայի ավիաանվտանգության գործակալությունը (EASA) հայտարարել է, որ ավիափոխադրողները կարող են վերսկսել թռիչքները Ղրիմի վրայով:
Գործակալությունը Եվրոպայի ավիափոխադրողներին թույլատրել է օգտագործել երկու երթուղի Սիմֆերոպոլի շրջանի սահմաններում: Ըստ որում թռիչքները կհամակարգեն եւ կվերահսկեն Ուկրաինայի ավիակարգավարական ծառայությունները:
2014 թվականի ապրիլին EASA-ն նախազգուշացրել էր առեւտրային չվերթերի համար լուրջ ռիսկերի մասին՝ Սիմֆերոպոլի շրջանի կարգավիճակի իրավական անորոշության պատճառով եւ առաջարկել էր խուսափել Ղրիմի վրայով թռիչքներից:
Այժմ, չնայած այն բանին, որ իրավական խնդիրները պահպանվում են, EASA-ն թռիչքների անվտանգության տեղեկագրում հաղորդում է, որ սահմանվել է ռիսկերի հսկողության «հուսալի մեխանիզմ»:
Ավիաընկերություններին առաջարկվում է թռիչքների պլանավորման համար օգտվել Ուկրաինայի կողմից տրամադրվող տեղեկատվությունից:
