Նորածնին գրկած փախստականի լուսանկարն արժանացել է հեղինակավոր World Press Photo-ի առաջին մրցանակին
Հունգարա-սերբական սահմանին նորածնին գրկած փախստականի լուսանկարը, որն արվել է ավստրալացի լրագրող Ուորեն Ռիչարդսոնի կողմից, ստացել է հեղինակավոր World Press Photo լուսանկարչական մրցույթի գլխավոր մրցանակը, հայտնում է BBC-ն:
Hope for a New Life («Նոր կյանքի հույս») խորագրով լուսանկարն արվել է 2015թ. օգոստոսի 28-ին: Լուսանկարում երևում է, թե ինչպես է տղամարդը կնոջը սահմանի երկայնքով ձգվող փշալարի միջով փոխանցում երեխային:
Ժյուրին նաև բարձր է գնահատել իսպանացի լուսանկարիչ Դանիել Օչոա դե Օլսայի Victims of Paris Attacks («Փարիզի հարձակումների զոհերը») լուսանկարը, ամերիկացի Նենսի Բորովիկի A Life in Death լուսանկարները:
World Press Photo-ն համարվում է ամենահեղինակավոր միջազգային լուսանկարչական մրցույթը: Մրցանակն շնորհվում է 1955 թվականից:
