Ճգնաժամը ստիպում է ԴԱԻՇ-ին բանտերից ազատել պատանդներին
Ֆինանսավորման կրճատման հետևանքով, որն առաջացել է ԴԱԻՇ-ի զինյալների նավթի տեղափոխման սովորական երթուղիների փակման հետևանքով, խմբավորման ղեկավարները որոշել են խնայողությունների անցնել:
Մասնավորապես, ծայրահեղականները ստիպված են եղել դիմել աննախադեպ քայլի՝ միջինը 500 դոլարի դիմաց ազատել պատանդներին:
Ինչպես գրում է բրիտանական Telegraph պարբերականը, նման գումարի դիմաց զինյալների կողմից վերահսկվող տարածքներում բանտից կարող է ազատվել խալիվաթի «օրենքներով» ամենախիստ պատժի դատապարտված անձը:
Ավելի վաղ հաղորդվել էր, որ ԴԱԻՇ-ը զգալի կրճատել է զինյալների աշխատավարձը ճգնաժամի պատճառով: Նրանք ստիպված են եղել չեղյալ հայտարարել նորապսակների մեղրամիսն ու երեխայի ծննդյան ժամանակ հատկացվող գումարը:
