Կառավարությունն առաջարկում է ԱԺ արտահերթ նիստ գումարել
ՀՀ կառավարության այսօրվա նիստի ընթացքում հաստատվեց նախագիծը, որով առաջարկվում է ՀՀ Ազգային ժողովի նախագահին առաջարկել 2016թ. փետրվարի 19-ին ժամը 12:00-ին գումարել Ազգային ժողովի արտահերթ նիստ: Օրակարգում կներառվի «Հայաստանի Հանրապետության կառավարության կառուցվածքի մասին» Հայաստանի Հանրապետության օրենքում լրացում և փոփոխություն կատարելու մասին» նախագիծը, որով առաջարկվում է տարանջատել Տարածքային կառավարման և Արտակարգ իրավիճակների նախարարությունները:
