Իրանն ու Ճապոնիան կարող են համատեղ ԱԷԿ կառուցել
Իրանը պատրաստ է համագործակցություն ծավալել Ճապոնիայի հետ 100 ՄՎտ հզորությամբ ատոմակայանի շինարարության ոլորտում, հայտարարել է Իրանի ատոմային էներգետիկայի ղեկավար Ալի Աքբար Սալեհին, հայտնում է իրանական Fars գործակալությունը:
Երեկ Սալեհին Թեհրանում հանդիպել է Ճապոնիայի վարչապետի օգնական Կացուկի Կավայիի հետ: Բանակցությունների ժամանակ կողմերը քննարկել են Իրանի վրայից արևմտյան պատժամիջոցների չեղարկումից հետո երկկողմ համագործակցության զարգացման հնարավոր տարբերակներ:
Գործակալության հաղորդմամբ՝ Սալեհին ու Կավային քննարկել են գիտության ու տեխնոլոգիաների ոլորտում համագործակցության, ինչպես նաև խաղաղ ատոմին վերաբերող հարցեր ու խոսել Իրանում փոքր հզորության ատոմակայանների շինարարության մասին:
