«Անօգնականության մասին ելույթ էր». Զուրաբյանը՝ նախագահի ելույթի մասին
«Միգուցե մեր պատկերացումները գեղեցկության մասին մի քիչ տարբերվում են, բայց ես ոչ մի գեղեցիկ բան չտեսա այդ ելույթի մեջ»,- այսօր լրագրողների հետ հանդիպման ժամանակ նման տեսակետ հայտնեց ԱԺ ՀԱԿ խմբակցության ղեկավար Լևոն Զուրաբյանը՝ խոսելով ՀՀ նախագահի փետրվարի 12-ին ունեցած ելույթի մասին:
Լ. Զուրաբյանի խոսքով՝ ինքը տեսավ «դատարկ, ոչինչ չասող ճամարտակություններ մի մարդու կողմից, որը խոսում է ժողովրդավարական, արդար ընտրությունների մասին՝ այն բանից հետո, երբ երկու ամիս առաջ ինքն է ամենադաժան կերպով մերժել ժողովրդի կամարտահայտությունը». «Հիմա ո՞նց կարելի է դա գեղեցիկ համարել, որևէ նոր գաղափար չկար, դա, ըստ էության, անօգնականության մասին ելույթ էր, նա ոչ մի ծրագիր չէր ներկայացնում, ոչ մի առաջարկ չէր անում»:
