Տնտեսավարող 63 սուբյեկտներ տուգանվել են
Անցյալ տարի ԼՂՀ գյուղատնտեսության նախարարության սննդամթերքի անվտանգության պետական ծառայության (ՍԱՊԾ) պետի հրամանով իրականացվել են ստուգումներ 90 տնտեսավարող սուբյեկտներում:
«Արցախպրես»-ի հաղորդմամբ՝ այս մասին այսօր կայացած մամլո ասուլիսի ժամանակ ասել է Սննդամթերքի անվտանգության պետական ծառայության պետ Լևոն Սարգսյանը` ընգծելով, որ խախտումներ չեն հայտնաբերվել 27 տնտեսավարող սուբյեկտներում:
«Տնտեսավարող 63 սուբյեկտների նկատմամբ հարուցվել է վարչական վարույթ և նշանակվել տուգանք ընդհանուր 6 մլն 385 հազար դրամի չափով: Տնտեսավարողների նկատմամբ հնարավորինս կիրառվել է տուգանքի օրենքով սահմանված նվազագույն սահմանաչափը»,-նշել է Լ. Սարգսյանը:
