«Արդյունքն այնպիսին է, որ կարելի է շտկել դրությունը». Անդրե Վիլաշ-Բոաշ
«Զենիթի» գլխավոր մարզիչ Անդրե Վիլաշ-Բոաշն ամփոփել է Չեմպիոնների լիգայի 1/8 եզրափակչի «Բենֆիկայի» հետ անցկացրած առաջին խաղի արդյունքները: Հանդիպումը, որը տեղի ունեցավ Լիսաբոնում, ավարտվեց դաշտի տերերի հաղթանակով` 1:0 հաշվով:
«Ընդհանուր առմամբ խաղացինք այնպես, ինչպես պլանավորել էինք: Վատ չխաղացինք: Բայց ավարտվեց այս ձևով, գոլ բաց թողեցինք: Արդյունքն այնպիսին է, որ կարելի է շարունակել պայքարը, կարելի է շտկել դրությունը: Ես գնահատում եմ ֆուտբոլիստների ջանքերը: Հույս ունենանք, որ Պիտերում կստացվի ամեն ինչ ուղղել: Հասկանալի է, որ երկրորդ խաղում «Բենֆիկան» նույնպես կփոխի իր ստրատեգիան: Հուսանք, որ ամեն ինչ լավ կլինի»,- ասել է Վիլաշ-Բոաշը «Матч ТВ» հեռուստաալիքի եթերում:
Պատասխան խաղը տեղի կունենա Սանկտ Պետերբուրգում, մարտի 9-ին:
Պատրաստեց Անի Գաբուզյանը
