Գալուստ Սահակյանը ցավակցել է
ՀՀ ԱԺ նախագահ Գալուստ Սահակյանը ցավակցել է Արման Մանարյանի մահվան կապակցությամբ: Ուղերձում ասվում է.
«Խորապես վշտացած եմ ռեժիսոր, սցենարիստ, արվեստի վաստակավոր գործիչ Արման Մանարյանի մահվան կապակցությամբ:
Արման Մանարյանը մեր կինոարվեստի այն տաղանդավոր դեմքերից էր, ում անվան հետ է կապվում հայ կինոյի մի հարուստ ժամանակահատված: Նրա գործունեությունը՝ ի դեմս իր նկարահանած եւ իր մասնակցությամբ ստեղծված կինոֆիլմերի, մեր մշակույթի մնայուն էջերից է, էջեր, որոնք նրա նվիրումի, աշխատասիրության ու արվեստի յուրատեսակ ըմբռնումի հիշարժան վկայությունն են:
Ցավակցում եմ Արման Մանարյանի ընտանիքին, հարազատներին ու ընկերներին եւ կիսում նրանց վիշտը»:
