ՄԱԿ-ի Անվտանգության խորհրդի անդամ բոլոր պետություններն անհանգստացած են
ՄԱԿ-ի Անվտանգության խորհրդի անդամ բոլոր 15 պետություններն անհանգստացած են Թուրքիայի կողմից Սիրիայի տարածքի գնդակոծումների կապակցությամբ եւ պայմանավորվել են համոզել Անկարային՝ հարգել միջազգային իրավունքը: Այս մասին հայտարարել է փետրվարին ԱԽ-ն նախագահող վենեսուելացի դիվանագետ Ռաֆայել Ռամիրեսը՝ ամփոփելով Ռուսաստանի նախաձեռնությամբ անցկացված խորհրդակցության արդյունքները:
«Անվտանգության խորհրդի անդամները մտահոգություն հայտնեցին Սիրիայի մի շարք շրջաններում Թուրքիայի գրոհների կապակցությամբ»,- ասել է նա: Ռամիրեսի խոսքով՝ ԱԽ-ի անդամները «պայմանավորվեցին խնդրել Թուրքիային՝ հարգել միջազգային իրավունքը»: Պատասխանելով լրագրողներին հարցերին՝ նա հաստատել է, որ ԱԽ-ի բոլոր անդամներն անհանգստացած են Անկարայի գործողություններից: «Տարբեր չափով, բայց բոլորը համաձայնեցին, որ մտահոգված են»,- ասել է Ռամիրեսը, հաղորդել է ՏԱՍՍ-ը:
