Ստամբուլում անհայտ անձինք հարձակվել են իշխանամետ թերթերի խմբագրությունների վրա
Դիմակավորված անհայտ անձինք Ստամբուլում հարձակվել են իշխանամետ Yeni Şafak ու Yeni Akit թերթերի խմբագրությունների վրա՝ նետելով դյուրավառ հեղուկով շշեր, ինչից հետո կրակ են բացել շենքերի վրա, հայտնում է Hurriуet-ը:
Yeni Şafak-ի վրա հարձակումը տեղի է ունեցել Երևանի ժամանակով ժ. 7.00-ին, իսկ կես ժամ անց նման հարձակման է ենթարկվել նաև Yeni Akit-ի խմբագրությունը:
Շինություններում հրդեհ է ծագել, որը հաջողվել է արագ մարել:
Տարածքը շրջապատված է, սկսվել է հետաքննություն:
